ABŞ-nin "New York Foot and Ankle" tibb təşkilatından olan alimlər əksər insanların ayaqlarının müxtəlif ölçüdə olmasının səbəblərini açıqlayıblar.
Bu barədə "Live Science" portalı məlumat yayıb.
Daha əvvəl ABŞ, Böyük Britaniya və Çində həyata keçirilən araşdırmalar göstərib ki, insanların 24%-ə qədərində sol və sağ ayaqları arasında ən azı 4 millimetr ölçü fərqi var.
Eyni zamanda, 2018-ci ildə Britaniyada aparılan araşdırmanın məlumatları göstərib ki, qadınların 50.7%-nin və kişilərin 548%-nin sağ ayağı soldan daha uzundur.
Digər amillər də ayaq ölçüsü fərqinə təsir göstərir. Məsələn, qadınlar hamiləlik zamanı və ya sonrasında ayaqların bir qədər genişlənməsi ilə qarşılaşa bilərlər.
Qeyd olunur ki, xüsusilə sümüklərin inkişaf etdiyi uşaqlıq dövründə alınan zədələr ayağın ölçüsünü dəyişə bilər. Ayağın uzun müddət gipsdə saxlanılması da əzələlərin zəifləməsinə və kiçilməsinə səbəb ola bilər.
Alimlər əlavə ediblər ki, sol və sağ ayaqların ölçülərində ciddi fərq bəzi hallarda cərrahi müdaxilə tələb edə bilər. Ancaq insanların əksəriyyəti ortopedik və korrektəedici ayaqqabılarla narahatlığın öhdəsindən gələ bilir.
