Arxeoloqlar Özbəkistanın dağlarında qədim İpək Yolunun mühüm qovşaqları olan iki itirilmiş şəhər tapıblar.
Bu barədə "Arkeonews" məlumat yayıb.
Hazırda dünya əhalisinin yalnız 3%-i dəniz səviyyəsindən 2000 m hündürlükdə yaşayır. Cusco ( Peru ) və Lhasa (Tibet) belə yaşayış məntəqələrinin iki nümunəsidir. Buna görə də VI-XI əsrlər arasında Özbəkistanın şərq dağlarında yaşayış məntəqələrinin bu hündürlükdə çiçəklənməsi alimləri təəccübləndirib.
Bu şəhərlər dronlara quraşdırılmış lazerlər vasitəsilə aşkar edilib.
Şəhərlərdən biri olan Tuqunbulak 2000 m-dən çox hündürlükdə yerləşib və onun ərazisi təxminən 120 hektara bərabər olub və burada on minlərlə insanın yaşadığı təxmin edilir. ki, bu da onu böyüklüyünə görə o dövrdə Səmərqəndlə müqayisə etməyə imkan verir.
İkinci şəhər Taşbulak daha kiçik idi. Bu bölgədəki ən qədim müsəlman məzarlıqlarından bəzilərini ehtiva edirdi. Orta əsrlərdə bu ərazi güclü türk sülaləsinin nəzarəti altında olub.
Kəşf dağlıq bölgələrdə qədim sivilizasiyaların təkamülünü başa düşmək üçün mühüm nəticələrə malikdir. Bu dövrün belə böyük, yaxşı planlaşdırılmış və möhkəmləndirilmiş yaşayış məskənləri yüksək hündürlükdə nadir hallarda olur. Tapıntı göstərir ki, İpək Yolu boyunca əlçatmaz dağlıq ərazilərdə siyasi və sənaye mərkəzləri var idi, baxmayaraq ki, şərti xəritələr İpək Yolunun dağlardan yan keçdiyini göstərirdi.
Tədqiqatçıların fikrincə, insanlar güclü küləkdən istifadə edərək ərazidə bol olan dəmir filizini əritmək üçün Tuğunbulak və Taşbulakda məskunlaşmağa qərar vermiş ola bilərlər. İlkin qazıntılar zamanı sənaye sobaları da aşkar edilib. Bunun üçün yəqin ki, sıx ardıc meşəsini kəsiblər. Nəticədə sel və qar uçqunlarından əziyyət çəkməyə başlayıblar ki, bu da şəhərlərin tərk edilməsinə səbəb olub.
