Çin Dövlət Şurasının İnformasiya Bürosu qlobal pandemiyaya səbəb olmuş SARS-CoV-2 koronavirusunun Çinin Uhan şəhərindən xeyli əvvəl ABŞ-də ortaya çıxa biləcəyini sübut edən "Ağ kitab" dərc edib.
Bu barədə "Daily Mail" məlumat verir.
"Əhəmiyyətli sübutlar COVID-19-un rəsmi olaraq bildirilən vaxtdan və Çində baş verən epidemiyadan əvvəl Amerika Birləşmiş Ştatlarında ortaya çıxa biləcəyini göstərir" , - deyə sənəddə qeyd olunur.
"Ağ kitab"da xüsusi diqqət Florida ştatına yönəldilib. Burada rəsmi olaraq ilk yoluxma halı 2020-ci il martın 1-də aşkarlanıb. Lakin açıq mənbələrdən əldə edilən məlumatlara görə, koronavirus ştatda artıq yanvar ayında yayılmağa başlayıb. Həmin dövrdə xəstələnənlərin əksəriyyəti ölkə hüdudlarını tərk etməyib.
Kitabda qeyd olunub ki, sonradan ABŞ tərəfi bu məlumatı silib, məlumatların işlənməsinə cavabdeh olan əməkdaşlar isə işdən çıxarılıb.
