Rusiyanın Ermənistandakı səfiri Sergey Kopırkin son həftələrdə Ermənistanın 3 sabiq prezidenti, siyasi dairələri ilə görüşlər keçirib və erməni mediasına müsahibələr verib.
Bu barədə"Hraparak" məlumat yayıb.
Sayt yazır ki, Rusiya geosiyasi proseslərə görə Ermənistanda yenidən aktivləşmə kursu götürür. Əgər Ermənistan hakimiyyəti yenidən Rusiya xəttinə qayıtmağa hazırdırsa, onlarla işləməyə başlayacaqlar. Yox, əgər Paşinyan yenə də Şimalla Qərb arasında oyun oynamağa davam edəcəksə, onda Rusiya Ermənistanda hakimiyyət dəyişikliyinə dəstək verəcək.
Qeyd olunur ki, fevralın 13-də başladılan Rusiya hərəkatı bəzi qüvvələr arasında qarşıdurmaya səbəb olub. Rəsmi Moskvanın nə edəcəyi hələ bəlli deyil.
