Son günlər əməliyyatdan sonra halı pisləşən və ya həyatını itirən insanlarla bağlı olan gündəm hamımızda həkimlərə qarşı güvənsizlik yaradıb.
Bəs əməliyyatdan sonra məsuliyyət kimin üzərinə düşür?
Cərrah Bəhruz Məmmədov deyib ki, pasientə düzgün diaqnoz qoymadan əməliyyat etmək həkimin məsuliyyətidir.
Elə bir əməliyat yoxdur ki, orda hər şey ideal olsun. Tibdə 100 faizlik qaranti demək düzgün deyil. Tibb nə keçmişdə, nə də indi üçün dəqiq elm sayılmır. İstənilən əməliyyatda risk var.
Cərrahi əməliyyatlarındakı qiymət fərqinə gəldikdə isə bu həkimdən asılı olaraq dəyişir.
Səhlənkarlıq nəticəsində ölən pasientin məsuliyyətin daşıyan həkim hansı məsuliyyəti daşıyır?
Vəkil Anar Ramazanov deyib ki, səhlənkarlıq nəticəsində bir şəxsin ölməsi daha ağır cinayət məsuliyyəti yaradır. Sözügedən şəxs isə 5 ilədək azadlıqdan mərhum edilə bilər. Əgər 2 və daha artıq şəxs ölərsə, 7 ilədək azadlıqdan mərhum edilə bilər.
Təəssüf ki, bəzi klinikalarda tibbi sertifikatsız pkatiki əməliyyatlara girdiyini də eşidirik.
Qeyd edək ki, Səhiyyə Nazirliyi bir müddət əvvəl qanunsuz çalışan həkimlərlə bağlı araşdırmalara başlayıb. Qurumun qərarına əsasən, xüsusi komissiya da yaradılıb. Belə ki, tibb fəaliyyəti ilə məşğul olan plastik cərrahlar peşə fəaliyyətinin qanunauyğunluğunu təsdiq edən sənədlərinin notarial qaydada təsdiq edən surətini bu ayın sonunadək Səhiyyə Nazirliyinə şəxsən təqdim etməlidirlər.
