Məşhur mesajlaşma tətbiqi "WhatsApp" istifadəçilərini yeni və innovativ funksiyalarla sevindirməyə davam edir. Bu dəfə tətbiqə əlavə edilən daxili sənəd skaneri funksiyası ilə sənədləri birbaşa tətbiq vasitəsilə skan etmək mümkün olacaq.
Bu yenilik artıq "WhatsApp"ın 24.25.89 versiyasında mövcuddur. İstifadəçilər sənədlərin əvvəlcədən fotosunu çəkməyə və ya üçüncü tərəf proqramlarından istifadə etməyə ehtiyac qalmayacaq. İndi hər şey "WhatsApp"da birbaşa olaraq smartfonun kamerası vasitəsilə həyata keçirilir. Skan edilmiş sənədləri dərhal çat və ya qrupa göndərmək mümkündür.
Bu funksiyanı istifadə etmək üçün çatı və ya qrupu açın, mətn sahəsində yerləşən "+" işarəsinə vurun, "Sənəd" ikonunu seçin və "Sənədi skan et" seçimini seçərək sənədinizi göndərin.
Hazırda sənəd skaneri funksiyası yalnız "iOS" cihaz sahiblərinin bir qismi üçün mövcuddur. Tətbiqin növbəti yenilənməsi ilə bu funksiya həmçinin "Android" istifadəçiləri üçün də əlçatan olacaq.
