Son illərdə insanların şəkər istehlakını azaltmaq üçün daha çox süni dadvericilərə yönəlməsi halları artıb. Lakin, bu dadvericilər sağlamlığa ciddi zərər vurur.
Tədqiqatlar süni dadvericilərin qanda şəkəri yüksəltməsi və maddələr mübadiləsini pozması kimi mənfi təsirlərə yol açdığını üzə çıxarmışdır.
Süni dadvericilər kalorisi olmadığından şəkər əvəzi olaraq istifadə edilir, amma bu maddələr bədəndə şəkərə bənzər təsirlər yarada bilir. Araşdırmalar göstərib ki, bəziləri qanda şəkəri artıraraq, insulin səviyyələrini yüksəldir və bu da bədənin şəkərlə balansını poza bilər. Bu vəziyyət, xüsusilə şəkər xəstələri üçün təhlükəli ola bilər.
Həmçinin, dadvericilər şəkər asılılığına səbəb ola bilər. Aspartam və sukraloz kimi süni dadverici maddələr bağırsaq florasında pozulmalara səbəb olaraq, iltihablanmalara və həzm problemlərinə yol açır.
Süni dadvericilərin istifadəsi xüsusilə şəkər xəstəliyi olanlar arasında geniş yayılmış olsa da, tədqiqatlar bu maddələrin insulin müqavimətini artıra biləcəyini və bu səbəbdən II tip diabet riskini yüksəltdiyini göstərir.
