Xırdalan dairəsində yerləşən və adı son vaxtlar ictimaiyyətin diqqətini çəkən “DARVAZA” oteli ilə bağlı ciddi və narahatedici iddialar gündəmə gəlib. Aldığımız məlumata əsasən, bu otel fahişəliklə məşğul olmaq istəyənlərin sanki rahatlıqla sığınacaq tapa bildiyi bir məkana çevrilib. İddialar onu göstərir ki, bu obyektin fəaliyyəti qanun çərçivəsindən kənara çıxaraq, əxlaq normalarına və cəmiyyətin mənəvi dəyərlərinə zidd bir istiqamətdə formalaşıb. Lakin hüquq-mühafizə orqanlarının bu qədər açıq-aşkar yayılan məlumatlara baxmayaraq hərəkətsiz qalması birmənalı qarşılanmır və cəmiyyətdə haqlı narahatlıq doğurur.
Xırdalan dairəsi ətrafında yerləşən “DARVAZA” oteli zahirdə adi bir kommersiya obyekti, müştərilərə qonaqlama xidməti göstərən bir mərkəz kimi təqdim olunur. Lakin iddialara görə, bu otelə gələnlərin əksəriyyəti burada gecələmək və ya istirahət etmək üçün deyil, daha çox qeyri-qanuni və əxlaqa zidd fəaliyyətlərlə məşğul olmaq məqsədilə gəlirlər. Qonşuluqda yaşayan sakinlər də bu obyektin fəaliyyəti ilə bağlı narazılıqlarını gizlətmirlər. Onların sözlərinə görə, otelə girib-çıxan şəxslərin davranışları, axşam saatlarında artan avtomobil və insan sıxlığı, əxlaqsızlıq hallarının təzahürləri artıq ictimai asayişə də təsir göstərməyə başlayıb.
İddialarda otelin sahibi və ya rəhbəri kimi təqdim olunan şəxs – Rasim bəyin fəaliyyəti də suallar doğurur. Rasim bəyin adı bu otelin içində baş verən qeyri-qanuni əməllərlə birbaşa bağlı tutulmasa da, rəhbərlik etdiyi obyektin gündəlik fəaliyyəti və nəzarət mexanizmləri onun məsuliyyətini istisna etmir. Maraqlıdır ki, bu qədər iddialı faktlara baxmayaraq, hüquq-mühafizə orqanları tərəfindən otelin fəaliyyəti ilə bağlı hər hansı açıq araşdırmanın aparılması barədə rəsmi açıqlama yoxdur.
Bu cür halların uzun müddət ictimaiyyətin gözü önündə baş verməsi, lakin heç bir hüquqi tədbirin görülməməsi “DARVAZA” otelinə himayədarlıq edən qüvvələrin varlığını da gündəmə gətirir. Görəsən, bu obyektin fəaliyyəti kimlər tərəfindən qorunur və onun arxasında hansı “toxunulmaz fiqurlar” dayanır?
Azərbaycan Respublikasının qanunvericiliyinə əsasən, əxlaqsızlıq yuvalarının təşkili və ya saxlanılması cinayət məsuliyyəti daşıyan əməllərdir. Əgər “DARVAZA” otelində fahişəlik və ya bu xarakterli əməllərə şərait yaradılması faktı varsa, bu, artıq təkcə əxlaqi deyil, hüquqi məsələdir və dövlətin müvafiq qurumlarının müdaxiləsini tələb edir.
Amma bu günə qədər nə Abşeron Rayon Polis İdarəsi, nə də digər hüquq-mühafizə strukturları tərəfindən bu məsələ ilə bağlı konkret addımların atıldığına dair cəmiyyətə təqdim olunan məlumat yoxdur. Halbuki sosial media və yerli mediada yayılan görüntülər, şikayətlər, sakinlərin narazılıqları bu obyektin fəaliyyətinə dərindən baxmağı zəruri edir.
Belə obyektlərin mövcudluğu yalnız bir tikili daxilində baş verən hadisələrlə məhdudlaşmır. Cəmiyyətin mənəvi mühitinə vurulan zərbə, ailə dəyərlərinin sarsıdılması, gənclərin və yeniyetmələrin bu cür mənzərələrlə qarşılaşması çox ciddi sosial fəsadlara yol aça bilər. Bir otelin çərçivəsində başlayıb yayılmış əxlaqsızlıq halları, sonda bütöv bir ictimai məkana sirayət edə bilər.
Daha öncə də ölkənin müxtəlif bölgələrində bu cür “otel” adı altında fəaliyyət göstərən əxlaqsızlıq yuvaları ifşa edilmişdi. Cəmiyyətin aktiv vətəndaşlarının, medianın və hüquqi instansiyaların sayəsində bir çox hallarda bu fəaliyyətlərə son qoyulub. Bəs niyə “DARVAZA” oteli istisna təşkil edir?
HİMAYƏDARLIQ TƏŞKİLATI – İDDİA YOXSA HƏQİQƏT?
İctimaiyyətdə “DARVAZA” otelinə toxunulmamasının səbəbi kimi onun arxasında dayanan güclü şəxslərin, vəzifəli himayədarların varlığı göstərilir. Əgər bu doğrudursa, bu artıq təkcə bir obyektin problemi deyil, sistemli korrupsiya və hüquq pozuntusunun göstəricisidir. Bu cür faktlar isə ölkə rəhbərliyinin qanunun aliliyinə verdiyi önəmə kölgə sala bilər və vətəndaşlarda ədalətə olan inamı sarsıda bilər.
Bu kimi hallarda dövlət orqanlarının susqunluğu, media və cəmiyyətin səssizliyi, hüquq müstəvisində fəaliyyətsizlik otellərin deyil, bütöv cəmiyyətin təhlükəsizliyini təhdid edir. “DARVAZA” oteli ilə bağlı iddialar ciddidir və onların bir an əvvəl araşdırılması, şəffaf şəkildə ictimaiyyətə təqdim olunması vacibdir.
Qarşı tərəfin mövqeyini tanıyırıq.
