Azərbaycan elminin və təhsilinin inkişafına dəyərli töhfələr vermiş, öz biliyi, zəhməti və ziyalılığı ilə seçilən ziyalılardan biri də Sumqayıt Dövlət Universitetinin Tarix və Coğrafiya fakültəsinin dekanı, professor Adil Baxşəliyevdir.
Professor Adil Baxşəliyev elmə, xüsusilə tarix sahəsinə dərindən bələd olan, gənc nəsli milli ruhda yetişdirməyi qarşısına məqsəd qoyan ziyalıdır. Onun rəhbərliyi ilə fakültədə tədris prosesi müasir elmi yanaşmalarla təşkil olunur, tələbələrə yalnız nəzəri biliklər deyil, həm də praktiki bacarıqlar aşılanır.
Onun çoxsaylı elmi məqalələri, monoqrafiyaları və beynəlxalq konfranslardakı çıxışları elmi ictimaiyyət tərəfindən yüksək qiymətləndirilir. Adil müəllim təkcə bir alim deyil, həm də tələbələrinin mənəvi atasıdır – onun qapısı hər zaman tələbə və müəllimlər üçün açıqdır.
Professor Baxşəliyev, Sumqayıt Dövlət Universitetində elmi mühitin formalaşması, beynəlxalq əlaqələrin qurulması və fakültənin inkişafı istiqamətində yorulmadan çalışır. Onun adı tələbələr arasında nüfuz, hörmət və etibarla çəkilir.
Bu gün Tarix və Coğrafiya fakültəsi özünün dinamik inkişaf dövrünü yaşayırsa, bu, məhz Adil Baxşəliyev kimi müdrik, prinsipial və vətənpərvər rəhbərin əməyinin nəticəsidir.
