İclasda Zəngilan Rayon İcra Hakimiyyətinin başçısı Ramiz Həsənov, Azərbaycan Respublikası Müharibə, Əmək və Silahlı Qüvvələr Veteranları Təşkilatının şöbə müdiri Nadir İsmayılov və rayonun veteran ziyalıları iştirak etdilər.
İclası giriş sözü ilə açan Zəngilan Rayon İcra Hakimiyyətinin başçısı cənab Ramiz Həsənov rayon təşkilatının sədri Əşrəf Şükürovun təşkilatdakı fəaliyyətindən ətraflı izah verdi.
Əşrəf Şükürova Zəngilan Rayon İcra Hakimiyyəti Başçısının Fəxri fərmanı, qiymətli hədiyyələri, Azərbaycan Respublikası Müharibə, Əmək və Silahlı Qüvvələr Veteranları Təşkilatının fəxri fərmanı və Həzi Aslanov medalı, YAP Zəngilan rayon təşkilatının Fəxri fərmanı təqdim olundu.
Sonda Təşkilati məsələyə baxılaraq, Əfqanıstan və Qarabağ müharibəsinin Qazisi və İctimai xadim Qarayev Ənvər Mikayıl oğlu, Zəngilan rayon rəhbərliyinin və ictimaiyyət nümayələrinin təklifi ilə Azərbaycan Respublikası Müharibə, Əmək və Silahlı Qüvvələr Veteranları Təşkilatının Zəngilan rayon şöbəsinin yeni sədri seçildi.
Qeyd edək ki, Ənvər Qarayev 04.01.1963-ci il tarixində Azərbaycan Respublikası, Zəngilan rayonunda anadan olmuşdur.
1971-1978-cİ ildə Zəngilan 2 saylı orta məktəbi, 1980-1983-cü illərdə Bakı şəhəri, Kənd Təsərüfatı Texnikomunun Avtomabil Mühandisi ixtisasını bitirmişdir.
1983-1985-ci illərdə Sovet ordusu sıralarında Qazağıstanda Hərbi xidmətdə 6 ay serjant məktəbi yüksək nailiyyətlərlə bitirib Əfqanıstanda, Özbəkistanda Qazaxıstanda xidmət etmişdir.
1992-1994-cü illərdə könüllü olaraq Azərbaycan Milli Ordusunun yaranmasında yaxından iştirak edərək, Zəngilan rayon özünü müdafiə batalyonunda taqım komandiri kimi Qarabağın Zəngilan və Füzuli rayonların müdafiəsi uğrunda erməni işğalçılarına qarşı döyüşlərdə fədakarlığla iştirak etmişdir.
1995-ci ildə orduda xidməti vəzifəsini yerinə yetirərkən yaralandığdan sonra hərbi xidmətdən tərxis olunaraq, Azərbaycanın müstəqilliyi və inkişafı üçün əlindən gələn köməkliyi dövlətimizdən əsirgəməyərək, Azərbaycan Dövlət Siyasəti istiqamətində, Vətəndaş Cəmiyətinin inkişafında, Veteran hərəkatında və gənclər arasında hərbi vətənpərvərlik ruhunun aşılanmasında, gənc nəslin təlim-tərbiyəsi istiqamətində göstərdiyi xidmətlərinə görə Əfqanstan müharibəsinin döyüş medalları, FƏDAİ, General Həzi Aslanov adina Yubley medalına, Böyük zəfər və başqa medalları ilə təltif olunmuşdur.
2020-ci il tarixlərində, 44 günlük Vətən müharibəsində, Azərbaycan Prezidenti, Azərbaycan Silahlı Qüvvələrinin Müzəffər Ali Baş Komandanı Cənab İlham Əliyev xalqa müraciət edərkən veteran və ehtiyatda olan təcrübəli döyüşçülər kimi könüllü olaraq yenidən ordu sıralarına səfərbər olaraq silaha sarılıb, Azərbaycanın ərazi bütövlüyünün bərpası uğrunda döyüşlərdə fədakarlıqla iştirak etmişdir.
2017-ci ildən, 5 mart 2025- ci il tarixinə kimi, Azərbaycan Respublikası “Beynəlmiləlçi Əlil Döyüşçülər “Fondunun Zəngilan, Cəbrail və Qubadlı regional şöbəsinin sədri vəzifəsində çalışmışmışdır.
1 yanvar-2021-ci il tarixindən, Azərbaycan Respublikası Müharibə, Əmək və Silahlı Qüvvələr Veteranları Təşkilatınən üzvü və “ARBƏD”- Fondunun Zəngilan, Cəbrail və Qubadlı regional şöbəsinin sədri və Müharibə, Əmək və Silahlı Qüvvələr Veteranları Təşkilatınən fəal üzvü kimi, Azərbaycan Dövlət Siyasəti istiqamətində, Vətəndaş Cəmiyyətinin inkişafında, Veteran hərəkatında və gənclər arasında vətənpərvərlik ruhunun aşılanmasında, müharibə veteranlarının, əlillərin, şəhid ailələrinin tibbi-sosial problemlərinin həllinə yaxından köməklik göstərmişdir.
01 fevral 2022 – ci il tarixindən, 01 iyun 2022-ci il tarıxinədək, Azərbaycan Respublikasinin Qeyri-Hökumət Təşkilatlarina Dövlət Dəstəyi Agentliyinin maliyyə dəstəyi ilə, “Beynəlmiləlçi Əlil Döyüşçülər” Fondunun həyata keçirdiyi “Hökumət və xalq öz müdafiəçilərinin xidmətlərini heç vaxt unutmamalıdır!” layihəsinin rəhbəri olmuşdur.
12.06.2019-cu ildən YAP-ın Zəngilan rayon təşkilatının fəal üzvü kimi Azərbaycan dövlətinin və xalqının Fədai əskəridir.
Azərbaycan Respublikası Beynəlmiləlçi Əlil Döyüşçülər Fondunun Himayəçilər Şurasının adından Qazi qardaşımız Ənvər Qarayevə həyatda uzun ömür, can sağlığı və gələcək fəaliyyətində uğurlar arzulayırıq. Fotolar:
