Türkiyədən getmək istəməyən suriyalıların aqibəti necə olacaq?

"Suriyalıların təhlükəsiz və könüllü şəkildə geri qayıtmaları üçün hər cür dəstəyi verəcəyik" .

Bu barədə TBMM sədri Numan Kurtulmuş açıqlamasında deyib.

Numan Kurtulmuş Suriyadakı hadisələrlə əlaqədar olaraq "Türkiyə əvvəlcə Əsədin bombalarından, işgəncələrindən, zülmündən qaçanlara açıq qapı siyasətini davam etdirdiyi kimi, bundan sonra da mövqeyi bəllidir. Təhlükəsizliyi təmin etməyə qərarlıyıq və suriyalıların könüllü qayıtması üçün biz onlara lazım olan hər cür dəstəyi verəcəyik" sözlərini deyib.

Sədr Türkiyədən getmək istəməyən suriyalılarla da bağlı açıqlama verib:

"Burada qalmaq istəyənlər də qəbul olunur. Başımızın üstlərində yerləri var. Açıq qapı siyasətində ilk gündən göstərilən münasibət kimi prezidentimizin bunu əvvəldən bəyan etməsi də vacibdir. Qalmaq istəyənlər burada qəbul olunur, amma gördüyünüz kimi insanlar qeyri-müəyyən bir mühitdə qayıdırlar, bilmirlər ki, evləri ordadır, ya yox, bilmirlər qohumları qalıb, yoxsa yox.Buna baxmayaraq onlar evlərinə qayıtmaq istəyirlər hətta çoxdan yola çıxıblar" .